„Појасот му го спаси животот, куфер летна низ прозорецот“: Исповед на сопругата на Србинот повреден на летот на „Рајанер“ (ВИДЕО)

Љубиша Каровиќ, државјанин на Србија, преживеа незамислив хорор на летот на „Рајанер“ од Солун до германски Меминген, кога прозорецот до кој седел се скршил по откажување на моторот, а силна декомпресија го повлекла од авионот. Драматичните моменти што се случувале на висина од 20.000 стапки (околу 6.000 метри) ги опишала неговата сопруга Светлана Грковиќ, која го спасила својот сопруг од сигурна смрт со смирена реакција. Инцидентот се случи минатиот петок, кратко по полетувањето од аеродромот во Солун. Според сведоштвата на патниците, се слушнал оглушувачки тресок кога дел од моторот се откачил и директно го удрил прозорецот каде што седел Каровиќ. Притисокот веднаш го скршил стаклото, а Љубиша бил извлечен низ отворот - главата и рамената му биле надвор од трупот за секунда. „Реагирав инстинктивно и го зграпчив за нозете. Имаше само една мисла во главата: „Ако ни е судено да умреме, ќе умреме заедно“. Беше ужасно“, изјави Светлана во изјава за Нова. Таа, исто така, за грчките медиуми изјави дека го држела својот сопруг повеќе од пет минути со натчовечки напори, сè додека маските за кислород не паднале, а другите патници не дошле да помогнат. Заедно, успеале да го вратат во кабината. https://t.co/irpmyrhulK - Exclusive new video: This is the…