Минчев упати честитка по повод 250 години од независноста на САД

Министерот за јавна администрација, Горан Минчев, по повод одбележувањето на 250 години од Денот на независноста на Соединетите Американски Држави, упати честитка до американскиот народ и до Владата на САД, истакнувајќи го значењето на овој историски јубилеј и важноста на стратешкото партнерство меѓу двете земји. Во својата честитка, министерот Минчев посочи дека Денот на независноста претставува значаен историски и цивилизациски белег на модерната државност и институционалниот развој на нација која изгради уставен поредок заснован врз слободата, демократијата и владеењето на правото. Тој нагласи дека Соединетите Американски Држави во изминатите два и пол века се етаблираа како глобален промотор на демократските вредности, институционалната стабилност и политичката предвидливост, со значајно влијание врз развојот на меѓународниот поредок и современите демократски стандарди. Минчев истакна дека Република Македонија високо го цени стратешкото партнерство со Соединетите Американски Држави, кое претставува значаен фактор за стабилноста, безбедноста и унапредувањето на заедничките демократски вредности. Во честитката, министерот се осврна и на реформите во јавната администрација, оценувајќи дека тие се суштински предуслов за современо и ефикасно управување. Притоа, ја нагласи важноста на соработката со САД во јакнењето на административните капацитети, дигиталната трансформација и унапредувањето на доброто управување, како клучни елементи за изградба на транспарентни, ефикасни и граѓански ориентирани институции. На…