Брисел ја препозна Македонија како лидер во реформите, СДС да не го кочи напредокот на државата

Европската комисија ја демантира реториката на СДС за реформите, стои во соопштението на ВМРО-ДПМНЕ. Европската комисија уште еднаш потврди дека Македонија е една од земјите што предничат во спроведувањето на реформите од Реформската агенда. Заедно со Албанија и Црна Гора, Македонија е препознаена како лидер во регионот според постигнатите резултати, нотираат од партијата. „Оценка на Европската комисија е јасен доказ дека државата се движи во правилна насока и дека реформите се препознаени од институцијата која единствено ги оценува нивниот квалитет и напредок. Дополнително, Европската комисија предлага реалокација на средства од Планот за раст, при што поголем дел од финансиската поддршка треба да биде насочен кон земјите што покажуваат најдобри резултати. Тоа е признание за сработеното, но и можност Македонија да обезбеди дополнителни средства за развој“, потенцираат од ВМРО-ДПМНЕ. „Токму затоа е неразбирливо зошто СДС продолжува со политички блокади на законите што произлегуваат од Реформската агенда. Со секоја опструкција на СДС и Левица не се попречува Владата, туку се попречува исполнувањето на обврските на државата и се ризикуваат можностите што ги отвора Планот за раст. Ги повикуваме СДС и Левица да ги остават дневнополитичките интереси настрана и да покажат државничка одговорност. Законите што се дел од Реформската агенда, вклучително и Изборниот…