Верстапен: Се надевам дека еден ден ќе се тркам заедно со Палу

Возачот на Ред Бул Макс Верстапен, рече дека нема да има ништо против да се трка во класата GT заедно со петкратниот шампион во ИндиКар, Алекс Палу. - Има толку многу добри возачи тука со многу искуство, а тие возат овие GT3 автомобили ден за ден. Секако, има мали празнини. Возејќи автомобил како овој, сум надвор од мојата зона на удобност – и го обожавам тоа. Уживам да се натпреварувам во која било категорија. Што се однесува до Алекс, се тркав со него преку интернет. Сè уште не сме се тркале заедно во реалниот живот, но се надевам дека еден ден ќе можеме, изјави Верстапен. Холанѓанецот е четирикратен светски шампион во Формула 1. Во тековната сезона Верстапен се наоѓа на четвртата позиција со 221 освоен бод. Лидер е возачот на Мерцедес, Кими Андреа Антонели со 340 бодови.