Среде ноќ го надминале дозволеното ниво на бучава во Охрид – измерени 77 децибели на концерт

Полициски службеници од СВР Охрид интервенирале по пријава за прегласна музика што се слушала од концерт во спортски центар во Охрид. Според информациите од Министерството за внатрешни работи, на 26 јули 2025 година околу 01:00 часот било пријавено дека од концертот се емитува гласна музика со која се нарушува јавниот ред и мир. Полициските службеници извршиле мерење на јачината на бучавата со фонометар, при што било утврдено ниво од 77 децибели, додека дозволената граница изнесува 35 децибели. По целосното документирање на настанот, против одговорните ќе биде поднесен соодветен поднесок.