Сериозен проблем за Баерн, се повреди Луис Дијаз

Повредата на Луис Дијаз не е толку наивна како што првично мислеа во Минхен. Магнетната резонанца, направена утрово, покажа дека Колумбиецот на синоќешниот натпревар против Арсенал ги скинал мускулните влакна на задната ложа на левата нога, поради што го очекува подолга пауза, објави германскиот шампион на својата официјална веб-страница. Иако клубот не соопшти колку точно ќе отсуствува крилниот напаѓач, германските медиуми, врз основа на претходни слични случаи, проценуваат дека Дијаз нема да може да се врати на терените најмалку до крајот на следниот месец. Луис Дијаз ќе ги пропушти првенствените натпревари против Фрајбург, Борусија Дортмунд и Мајнц, како и дуелите со Магдебург и Атлетико Мадрид во германскиот куп, односно во Лигата на шампионите. Колумбиецот ќе ги пропушти и репрезентативните натпревари на својата селекција за време на претстојната пауза, додека неговиот настап на првенствените дуели со Келн и Хамбургер, е неизвесен.