Реџеп Рушити ќе се бори за бронзен медал на СП во Полска

Македонскиот репрезентативец, Реџеп Рушити со извонредно издание дојде до ситуација да се бори за бронзен медал на Светското првенство кое се одржува во Полска, натпреварување на кое учествуваат каратисти до 21 година. Нашиот претставник се натпреварува во категоријата до 84 килограми и запиша четири победи на пет борби, а три од нив ги оствари во репасажот. Рушити отвори со победа над Бен Фаталах од Франција со 3:1, но во втората борба загуби од Осмар Амар од Египет и беше приморан да оди во репасажот. Тоа не го обесхрабри нашиот претставник, па така Рушити со три последователни победи се избори за борба за бронзен медал. Со вкупен резултат од 18:2 издоминира против тројцата ривали од Полска (Виктор Војарски), Холандија (Ван дер Вејд) и Алжир (Гори Абдерезак), па во недела ќе се бори за бронза во својата категорија.