Почина златната холивудска дива: Ѕвездата од „Милдред Пирс“ почина на 98 години

Почина златната холивудска дива: Ѕвездата од „Милдред Пирс“ почина на 98 години Ан Блајт имаше интересна и предизвикувачка улога во филмот од 1948 година „Уште еден дел од шумата“, претходник на драмата „Мали лисици“ од Лилијан Хелман, каде што таа ја играше помладата верзија на ликот Реџина Хабард. Ан Блајт, актерката која беше номинирана за Оскар во 1946 година за нејзината незаборавна улога како разгалената и себична ќерка на Џоан Крафорд во филмскиот класик „Милдред Пирс“, почина. Имаше 98 години. Веста за нејзината смрт ја објави Џорџ Пеначио од KABC, објави Variety. Танентираната убавица беше позната по нејзините улоги во затворската драма од 1947 година „Сурова сила“, филмот од 1951 година „Големиот Карузо“ со Марио Ланца и филмот од 1957 година „Приказната за Хелен Морган“, во кој глумеше покрај Пол Њуман. Џоан Крафорд освои „Оскар“ за најдобра актерка за нејзината улога во „Милдред Пирс“, а самиот филм беше номиниран за најдобар филм. Романот од Џејмс М. Кејн, на кој е базиран филмот, беше адаптиран во мини-серија на HBO во 2011 година од Тод Хејнс, со Кејт Винслет во главната улога, а Еван Рејчел Вуд ја играше неблагодарната ќерка Веда.