Пезешкијан: Иран не бара поширока војна

Иран ги брани своите граници, но не бара поширока војна, изјави вчера иранскиот претседател Масуд Пезешкијан, објавија британските медиуми, повикувајќи се на иранските државни медиуми. Додека американскиот претседател Доналд Трамп вчера изјави дека се во тек разговори со Иран, Техеран негираше дека се планирани какви било разговори. Трамп вчера предупреди дека Иран ќе биде „обезглавен“ ако не постигне договор за прекин на конфликтот меѓу двете земји, додавајќи дека Техеран има последна шанса да склучи договор, забележаат британските медиуми. Претходно, откако Иран изјави дека нема разговори, Трамп остро го критикуваше „неверојатно лицемерното“ иранско раководство. Како одговор на новинарско прашање за статусот на разговорите, американскиот претседател рече дека „тие сè уште се во тек“, додавајќи дека двете страни разговараат на барањето на Иран, Саудиска Арабија, Обединетите Арапски Емирати и Катар, меѓу другите. „Ова е нивната последна шанса да потпишат добар документ“, рече тој, осврнувајќи се на Иран.