Ова е брачниот совет на Адам Сендлер до Тејлор и Тревис кој сите треба да го применуваат

Главниот тренер на Канзас Сити Чифс, Енди Рид, откри какви брачни совети им даде актерот и комичар Адам Сендлер на Тејлор Свифт и Тревис Келс на нивната свадба минатата недела. Сендлер ја водеше свадбената церемонија на славниот пар, а Рид, кој беше меѓу гостите, не го криеше својот ентузијазам за својата улога, пишува HuffPost. Рид рече дека на свадбата имало „многу различни типови луѓе од многу различни светови“, но тој мисли дека Сендлер „направил феноменална работа“ поврзувајќи ги сите гости во својот говор. Додаде дека актерот пристапил кон церемонијата со „малку хумор, но и чувствителност“. Познатиот тренер откри какви совети им дал Сендлер, кој е во брак со својата сопруга Џеки од 2003 година, на младенците. -„Тој рече: „Бакнувајте се секогаш кога ќе имате шанса, секој ден“, се присети Рид. Рид подоцна објасни на прес-конференција зошто смета дека тоа е добар совет. „Тешко е да се расправаш кога ја бакнуваш сопругата или таа те бакнува тебе“, рече тој како одговор на новинарско прашање. „Погрижи се да го правиш тоа секој ден, секоја минута кога имаш шанса. Прави го и нема да имаш проблем“, рече Рид, заклучувајќи дека тоа е „прилично добар совет“.