Миног и Тарантино снимаат нов филм во режија на Џејми Адамс, режисер на филмот „Only what we carry“

Американскиот филмски режисер, сценарист и продуцент Квентин Тарантино и поп ѕвездата Кајли Миног ќе се појават заедно во нов филмски проект. Филмот е во режија на велшкиот режисер Џејми Адамс, но деталите за содржината на филмот засега не се познати. Според првичните информации, во сцените што веќе биле снимани имало и сцени со погреб, како и собир по погребната церемонија. Освен Тарантино и Миног, во проектот ќе се појават и актерите Џулијан Луис Џонс, Крег Расел, Сиван Морис, како и Карен Паулада. Ова не е прва соработка меѓу Тарантино, Миног и режисерот Џејми Адамс. Актерите веќе се имаа појавено во неговиот филм „Само она што го носиме“ („Only What We Carry“). Филмот неодамна беше претставен на фестивалот „Трајбека“. [embed]https://www.youtube.com/watch?v=UGpvvpkVqfE[/embed] Засега не се познати многу детали за филмот, а датумот за негова премиера се очекува да биде објавен наскоро