Мбапе: Еден пораз не може да го засени сето она што Дешам го направи за Франција

Капитенот на Франција, Килијан Мбапе, отворено зборуваше по поразот од Англија со 6:4 во натпреварот за третото место на Светското првенство 2026. Французите одиграа катастрофално прво полувреме и на паузата губеа со 4:0, но во продолжението покажаа сосема поинакво лице и постигнаа четири гола. „Мислам дека имаше два различни периода. Кога станува збор за првиот, можам да разберам зошто некои луѓе сметаат дека изгледавме несериозно и дека не го почитувавме дресот“, изјави Мбапе. Францускиот напаѓач се обиде да објасни зошто неговата репрезентација делуваше целосно отсутно во првите 45 минути. „Би рекол дека едноставно бевме луѓе, а за жал, на ова ниво не можеме да си дозволиме да бидеме само луѓе. Бевме целосно затечени, а Англичаните навистина нè разбудија“, рече тој. „Во второто полувреме повторно станавме врвни играчи“ Франција во продолжението преку Мбапе, Бредли Баркола и Усман Дембеле успеа да се врати во натпреварот, но не и целосно да го сврти резултатот. „Во вториот период повторно станавме играчи од највисоко ниво, ментални машини ослободени од емоциите. Успеавме да го добиеме тој дел од натпреварот“, додаде Мбапе. Поразот беше уште поболен за Французите бидејќи ова беше последниот натпревар на Дидие Дешам на селекторската клупа. „Не победивме и тоа е навистина голема штета…