Десет гола во прошталниот меч на Дешам – Англија ја освои бронзата по спектакуларни 6:4

Фудбалската репрезентација на Англија го освои третото место на Светското првенство 2026, откако во спектакуларен натпревар во Мајами ја совлада Франција со 6:4. Англичаните одиграа неверојатно прво полувреме, кое го добија со 4:0, а потоа издржаа голем притисок и обид за пресврт на Французите. Херој на победата беше Букајо Сака, кој постигна три гола. Во листата на стрелците за Англија се запишаа и Деклан Рајс, Езри Конса и Џуд Белингам. За Франција двапати погоди Килијан Мбапе, а по еден гол постигнаа Бредли Баркола и Усман Дембеле. Ова беше и последниот натпревар на Дидие Дешам на клупата на Франција. Селекторот, кој ја презеде репрезентацијата во 2012 година, ја освои светската титула во 2018 и стигна до финалето четири години подоцна, се прости со пораз во меч со дури десет погодоци. Англија ја декласира Франција во првото полувреме Двајцата селектори решија да ги освежат составите. Томас Тухел на клупата ги остави Хари Кејн, Џуд Белингам и Џордан Пикфорд, додека Франција го започна натпреварот без Усман Дембеле, Лукас Дињ и Жил Кунде. Англичаните уште од почетокот покажаа поголема желба за освојување на бронзениот медал. Во третата минута Деклан Рајс искористи грешка во француската одбрана и го отвори резултатот. Првата можност за Франција ја…