Макрон ја одби оставката на министерот за внатрешни работи

Францускиот претседател Емануел Макрон ја одби понудата на министерот за внатрешни работи Лоран Нуњез да поднесе оставка по немирите за време на викендот, соопшти денеска Елисејската палата. Протестите избувнаа поради незадоволство на граѓаните од сè поголемите трошоци за живот, влошувањето на јавните услуги и состојбата во школството. Макрон изјави дека Нуњез треба да остане на должноста за да се зачува командната структура во рамките на полицијата и безбедносните сили. Тој исто така побара од Нуњез што е можно побрзо да осмисли нови пристапи за сузбивање на грабежите, додаде Елисејската палата. Протестите ширум земјата во саботата прераснаа во немири. Нови судири избувнаа вчера и во Париз и Марсеј, каде што интервентната полиција спречи обиди за грабеж на деловни објекти. Францускиот премиер Себастијан Лекорни денеска ќе одржи кризен состанок на владата за да ги процени последиците од насилството и грабежите кои за време на викендот ја зафатија земјата, најави Би-Би-Си. Во некои случаи станува збор за најтешкото нарушување на јавниот ред и мир во модерната француска историја. Се проценува дека се ограбени и уништени околу 1.500 продавници и деловни објекти. Интервентната полиција употреби солзавец и водени топови против демонстрантите. Француското Министерство за внатрешни работи соопшти дека во саботата биле повредени околу 1.000…