ВИДЕО: Протестите во Париз, Лион и Стразбур ескалираа во судири со полицијата, уапсени 166 лица

Полицијата употреби солзавец и палки за да ги растера демонстрантите во француските градови Париз, Лион и Стразбур кои протестираат поради високите трошоци за живот, соопшти денеска француското Министерство за внатрешни работи, пренесе ДПА. Првите судири се регистрирани кратко откако демонстрантите излегоа на улиците низ Франција. Во Марсеј, демонстрантите се обидоа да упаднат во полициска станица и да ограбат продавници, соопшти Министерството. Околу 100 лица се уапсени за носење оружје и други забранети предмети, соопшти париската полиција. Францускиот претседател Емануел Макрон ги повика луѓето мирно да простестираат. Министерството за внатрешни работи регистрираше 140 демонстрации со 32.800 учесници во земјата до пладне, а низ целата земја се уапсени 166 лица. Се очекува околу 170.000 луѓе да излезат на улиците на Франција денеска, од кои меѓу 30.000 и 60.000 само во Париз. Планирани се маршеви за француската престолнина и други градови попладнево. Според француското Министерство за внатрешни работи, постои многу силна мобилизација на крајната левица, за која властите велат дека ќе се обиде да предизвика немири. Насилни напади од страна на маскирани демонстранти се извршени во Париз, Марсеј, Рен, Тулуз и Анже. Министерството пријави обиди за грабежи, напади врз полицајци, палење на јавни места и целни напади врз властите и медиумите. Околу стотина…