Лапорт прави трансфер во Барселона

Каталонскиот клуб веќе воспоставил контакт со претставниците на шпанскиот репрезентативец. „Црвената фурија“ прими само еден гол на целиот Мундијал, а искусниот дефанзивец доби високи оценки за своите настапи. Барселона веќе закажала состанок со агентите на 32-годишниот фудбалер за да ги разгледа можностите за негов трансфер. Лапорт минатата година се врати во Атлетик Билбао од Ал Наср за 10 милиони евра и потпиша договор до летото 2028 година. Спортскиот директор Деко веќе ги започнал првичните разговори за време на клупската турнеја во Соединетите Американски Држави, а по завршувањето на Светското првенство преговорите добиле нов интензитет. Во Барселона сакаат што поскоро да го комплетираат трансферот и да ја засилат левата страна од одбраната. Предност за Барселона е фактот што неговата откупна клаузула е помала од 15 милиони евра, сума што каталонскиот клуб ја смета за прифатлива за плаќање.