Костов: Џузепе „Пепино“ Меаца и Џовани „Џани“ Ривера „златните деца“ на италијанскиот фудбал

Италијанскиот фудбал за мене од секогаш бил синоним за елеганција, шампионски менталитет и тактика. Сум се воодушевувал на нивните фудбалски креативци, чија главна одлика беше нивната искра на непредвидливост. Италија од секогаш била фудбалска велесила, со изразити индивидуалци, и неколку генерации на репрезентативци добро организирани и хармонизирани, кои на својата земја и донесоа четири светски и две европски титули во фудбал. Сите ги паметиме Роберто Баџо, Алесандро Дел Пјеро и Франческо Тоти, како врвни креативци, па Пипо Инзаги, Бобо Вјери, како голгетери, Паоло Малдини и Џенаро Гатузо, како врвни одбранбени играчи, а брзината на Џанфранко Зола и генијалноста на Андреа Пирло никогаш не може да се заборави. Сепак, денес ќе отидам генерација, две подалеку и ќе пишувам за Џузепе Меаца и Џовани Ривера, кои заедно со Мацола и Факети, беа првите големи ѕвезди на италијанскиот фудбал. Џузепе Меаца е легендарен италијански фудбалер. Еден од најдобрите напаѓачи во светот помеѓу двете Светски војни, и важи за еден од најдобрите фудбалери на 20-от век. Остави неизбришливи фудбалски траги на италијанските терени. Играл за Интер, Милано, Јувентус и Аталанта. Бил уметник во дриблингот. Негов заштитет знак во фудбалската игра е крадење на топката на срредината на тренот, дриблање на сите играчи пред него…