Костов: Драгослав Шекуларац – Шеки – Дон Жуан на светскиот фудбал /Феномен, ангел или ѓавол?/

Денес пишувам за еден спортски и уметнички феномен – Драгослав Шекуларац – Шеки. Има една изрека, која вели дека кога ќе го изговориш надимокот Шеки, мислиш на фудбал, и само на фудбал. Како само Шеки дриблаше, асистираше, шутираше, погодувашеи даваше голови. Тоа беше фудбалска поезија и симфонија отсфирена на фудбалскиот терен. Затоа да се пишува за легендарниот Драгослав Шекуларац, популарно наречен Шеки, е и лесно, ама и не баш така лесно. Лесно, бидејќи има што да се напише за неговата игра, за дриблинзите, за неговите проблесоци на светските фудбалски терени, во Париз, на Вембли, во Чиле, на Маракана, во Колумбија. Не е баш така лесно, бидејќи од многуте негови фудбалски изведби, од реализираните дриблинзи и додавања, од феноменалните игри на Олимписките игри, на двете светски првенства и безбројните блескави игри за Црвена ѕвезда, што попрво да се напише, кој натпревар да се анализира, кој дриблинг да се опише. Ги има многу, прмногу. А за незгодите, повредите, казните, прекршоците, немилите настани и глупостите што ги правеше, исто така во голем број, и да не зборуваме. Ама селекција мора да се направи и ќе се направи. Би почнал малку необично, ама објективно - негово претставување од дистанца, професионално. Францускиот весник Лекип, Париз…