ФОТО/ВИДЕО: Пожар во Чифлик, општина Сопиште, направен коридор за спас на Водно
Тежок пожар попладнево изби на територија на Општина Сопиште, зад Водно. Директорот на Дирекцијата за заштита и спасување, Стојанче Ангелов информира дека трите авиони „Ер трактори“ се упатени да интервенираат. [video width="576" height="1024" mp4="https://kurir.mk/wp-content/uploads/2026/08/AQO5jcN_6F6NR2PN8fCJbDnZyaWraKirnnjJAVvna2rdDNP8glQna7gGrQnV3B3WTYywiXr_9F3nVEupk4pSzskHJxfRBDAIZnGJDwa8SA.mp4"][/video] Градоначаникот на Општина Сопиште, Јане Мицевски кој е на лице место во изјава за Курир вели дека пожарот е избувнат во селото Чифлик кон селото Св. Петка. -Гори нискостеблеста шума, нема опасност за селото. Направен е коридор за да се спаси шумата на Водно. На терен интервенираат екипи од скопската противпожарна бригада со командирот Ѕвонко Томевски, припадници на општинското доброволно противпожарно друштво, дел од локалното население. Ги очекуваме и „Ер тракторите“ на ДЗС, вели Мицевски за Курир. На терен интервенираат и четири пинцгауери.
