Зошто нема да има мир на “Блискиот Исток“

Иако во меѓувреме се случија многу нешта кои заслужуваат внимание, бидејќи во мојот текст пред нешто повеќе од еден месец, насловен како “Светот во канџите на идеолошкиот и верскиот ционизам“ ветив дека во еден од следните текстови ќе го објаснам, колку што можам, христијанскиот ционизам како верско политички блок кој има исклучително влијание во американската надворешна политика, денешниов текст го посветувам токму на оваа тема. Згора на се’, го пишувам во моменти кога се случуваат две исклучително битни нешта поврзани токму со ционизмот кој е владеачка идеологија (доколку е воопшто идеологија) во државата Израел. Деновиве, според израелскиот весник “Хаарец“, по којзнае кој пат, на повик на шефот на Советот за национална безбедност, Шмуел Бен Езра, се состанале високи израелски безбедносни функционери за да разговараат за можноста за протерување на Палестинците од Појасот Газа. Меѓу нив биле и претставници на израелскиот ИДФ, Шин Бет и Мосад. Високи израелски функционери, вклучувајќи го премиерот Нетанјаху, министрите Израел Кац, Безалел Смотрич и Итамар Бен Гвир, од октомври 2023 година јавно и отворено го поддржуваат овој концепт. Па така, Израел Кац, во 2025 година во рамките на своето министерство основаше дирекција за “доброволна емиграција“ на жителите на Газа, а израелскиот министер за одбрана минатиот месец…