Земјотрес со јачина од 5,2 степени во близина на грчкиот остров Карпатос

Земјотрес со јачина од 5,2 степени според Рихтер беше регистриран кусо по 14 часот по локално време во близина на грчкиот остров Карпатос, а бил почувствуван и на соседниот остров Родос, јави дописничката на МИА од Атина. Според податоците од Геодинамичкиот институт на Националната опсерваторија во Атина, епицентарот бил во морскиот дел на 11 километри југоисточно од Карпатос. Засега нема информации за повредени лица или причинета материјална штета.