Зеленски: САД продолжија да ѝ доставуваат на Украина разузнавачки податоци
По краток прекин, САД продолжија да ѝ доставуваат на Украина клучни разузнавачки податоци за да ѝ помогнат во одбраната од руските ракетни напади, објави денеска украинскиот претседател Володимир Зеленски. Украина се потпира на американските разузнавачки податоци за да ги открие балистичките ракети со голема брзина, кои Русија во бранови ги лансира кон украинските градови. Во интервју за емисијата „Meet the Press“ на телевизијата NBC, Зеленски изјави дека размената на разузнавачки информации била прекината, но подоцна повторно воспоставена. - Многу сме благодарни за тоа. Сега сè функционира, рече Зеленски. Претходно оваа недела, американскиот претседател Доналд Трамп изјави дека Вашингтон продолжува да споделува разузнавачки податоци, иако украински претставници тврдеа дека некои руски напади се случиле без претходно предупредување. Прекинот во споделувањето разузнавачки податоци произлезе од спор меѓу Киев и Вашингтон во врска со украинските напади врз руската енергетска инфраструктура. Трамп смета дека овие напади доведуваат до раст на цените на дизелот, што за него претставува политички проблем пред претстојните избори за Конгресот. Минатата недела, Трамп повика на „енергетско примирје“ во Украина – потег што го затекна Киев неподготвен. Украина тврди дека, како одговор на ова барање, ги запрела нападите врз руските енергетски цели во текот на неколку дена. Сепак, откако Русија продолжи…
