Здравствените власти во Уганда соопштија дека земјата е ослободена од ебола

Здравствените власти на Уганда денеска ја прогласија земјата за слободна од ебола, со што заврши најновата епидемија на вирусна хеморагична болест во оваа источноафриканска земја. Британските медиуми пренесуваат дека од средината на мај, кога беше прогласена епидемија на ебола, во оваа земја починаа две лица. Последниот пациент со ебола во Уганда беше отпуштен од болница на 16 јули, со што започна 42-дневното одбројување пред земјата да може да се прогласи за слободна од вирусот, согласно упатствата на Светската здравствена организација (СЗО). Уганда досега пријави 20 случаи на ебола, додека Демократска Република Конго регистрираше повеќе од 2.400 случаи.