Возач е повреден откако со автомобил се превртел кај Ботун

Возач е повреден откако со автомобилот се превртел попладнево кај селото Ботун. Портпаролот на СВР Охрид, Стефан Димоски за Курир вели дека сообраќајната несреќа кај нив е пријавена во 14:41 часот. -Возачот изгубил контрола над возилото и се превртел на едната страна од коловозот. Со возило на итна медицинска помош е пренесен во болницата "Св.Еразмо во Охрид. Сообраќајот по едната коловозна лента е во прекин, вели Димоски за Курир. На лице место полицијата превзема мерки за регулирање на сообраќајот кој се одвива со наизменично пропуштање на возилата.