Во руски напад врз товарен брод во Црно Море загинаа десет луѓе

Десет луѓе загинаа во вчерашниот руски напад врз товарен брод во близина на Одеса, во Црно Море. Товарниот брод, што превезувал пченка, пловел под знамето на Гвинеја Бисао. - Потрагата и спасувачката мисија траеја цела ноќ, а пожарот на бродот е ставен под контрола. Осум членови на екипажот се спасени. За жал загинаа десет луѓе меѓу кои и пилот на Управата за украински морски пристаништа, соопшти Управата. Украинските власти наведоа дека напад врз цивилен брод се смета за воено злосторство. Погодениот брод вчера исплови од украинско пристаниште, а екипажот е од 17 сириски и индиски државјани. Тие беа придружувани од украински пилот од Управата за морски пристаништа.