Влажни коловози на патиштата, возете внимателно

Сообраќајот на државните патишта се одвива непречено, по влажни коловози. Авто мото сојузот на Македонија информира дека интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.