(ВИДЕО) Пронајдени околу 230.000 евра: Паднаа двајца странски државјани со фалсификувани пари

На 03.08.2026 во Скопје, од страна на полициски службеници од Единицата за интервентна полиција при СВР Скопје, лишени се од слобода Ф.Р.(30) и Т.Т.(44), двајцата државјани на Република Косово, поради постоење основи на сомнение за сторено кривично дело „фалсификување пари“ по член 268 од Кривичниот законик. [facebook_post url="https://www.facebook.com/100069016095883/videos/pcb.1347092944267896/947438418374458"] Имено, при извршен преглед на возило "голф" во кое биле двете лица, пронајдени се пари во различни валути и апоени (евра, американски долари, швајцарски франци и британски фунти) со вкупна вредност од околу 230.000 евра, соопшти МВР. Пронајдените пари се одземени, а лицата се спроведени во Полициска станица Центар за понатамошна постапка. Од министерството за внатрешни работи додаваат дека по документирање на случајот, во координација со јавен обвинител ќе биде поднесен соодветен поднесок.