(ВИДЕО) Пронајдени над 11 килограми марихуана, 400 грама кокаин, поголема количина ЛСД и други видови дрога

Од страна на Единицата за недозволена трговија при СВР Скопје, на 02/03.07.2026 извршен е претрес во стан кој го користат М.Б и Н.Ј, кои претходно беа лишени од слобода од страна на полициски службеници од Единицата за интервентна полиција при СВР Скопје. -При претресот извршен по добиена судска наредба, пронајдени и одземени се 11,5 килограми марихуана, 400 грама кокаин, како и амфетамин, екстази, ЛСД, масло-хашиш смола, халуциногени печурки, соопшти Министерството за внатрешни работи. Лицата се задржани за понатамошна постапка, а од страна на ЕНТ до надлежното ОЈО е поднесена кривична пријава во итна постапка, потенцираат од МВР.