ВИДЕО: Јованка Јо со ново музичко издание „Луда среќа“ – љубовна приказна за судбината и надежта

Македонската пејачка Јованка Јо, која ја запознавме преку регионалното талент-шоу „Никогаш не е доцна“, го објави своето најново музичко издание „Луда среќа“. Песната носи силна емотивна порака за љубовта, судбината и вербата дека вистинските луѓе секогаш ќе го најдат патот еден до друг. Автор на музиката, текстот и аранжманот е Ефтимија Јованова, додека аудио миксот и мастерингот ги потпишува Темелко Андреев. Видеоспотот е реализиран во продукција на Фабрика Продукција, со камера на Јаков Огненовски и режија од Љупчо Трајковски. Во спотот се појавуваат Лазар Иванов и кошаркарот Михаил, а за изгледот на Јованка се погрижиле Милица Деспотоска (фризура), Данчо Велковски (стилинг) и Ана Денцова (шминка). „Луда среќа“ ја раскажува приказната за надежта и далечината, за чувствата што ги надминуваат границите и обликуваат судбини. Преку романтичен наратив, песната нагласува дека меѓу милиони луѓе токму судбината понекогаш ги спојува оние што се создадени еден за друг — и дека љубовта си ја наоѓа својата „луда среќа“. Песната и видеото се веќе достапни на дигиталните платформи. [embed]https://www.youtube.com/watch?v=UEPiSG9ZZ_k[/embed]