ВИДЕО: Драматично – Туристи отишле на сафари, но наишле на разбеснет нилски коњ

Група туристи во Боцвана доживеале вистинска драма за време на сафари кога одеднаш биле бркани од огромен нилски коњ, принудувајќи го капетанот на бродот да забрза за да избегне опасност. Целиот настан бил снимен со камера и набрзо станал вирален на социјалните мрежи. Видеото ги прикажува туристите како мирно гледаат осамен мажјак во водата на почетокот. На почетокот, капетанот го забавил бродот за да не го вознемири животното, но набрзо сфатил дека однесувањето на нилскиот коњ се менува. - Мора да забрзаме пред да нè стигне - им рекол на патниците, изјавила Ознур Бел, туристка која ги снимила драматичните моменти. View this post on Instagram A post shared by KTLA 5 News (@ktla5news) Штом бродот забрзал, патниците погледнале зад себе и сфатиле дека огромното животно навистина ги брка. Нилскиот коњ се пробивал низ плитката вода со голема брзина, повремено излегувајќи над површината, додека патниците во паника следеле што се случува зад нив. За среќа, животното се откажало од брканицата по неколку моменти, а никој од патниците не бил повреден. Туристката која го снимила инцидентот го опишала како еден од најстрашните моменти што ги доживеала.