Венгер: Паузите за хидратација беа најголемиот проблем на СП

Фраанцускиот стратег Арсен Венгер потврди дека ФИФА ќе ги анализира задолжителните паузи за хидратација, што предизвика бројни реакции од навивачите, тренерите и фудбалерите за време на СП. „Мораме да признаеме дека на луѓето понекогаш тоа не им се допаѓаше. По Светското првенство ќе го анализираме вистинското влијание на тие паузи“, рече Венгер. Според него, паузите не влијаеле врз резултатите на натпреварите „Не ми се чини дека тие ги променија исходите на натпреварите, но ние сме тука за да им служиме на луѓето што го гледаат фудбалот и ќе извлечеме заклучоци по турнирот“, истакна некогашниот тренер на Арсенал.