Вадефул на турнеја во Африка

Шефот на германската дипломатија Јохан Вадефул денеска отпатува за Африка, при што ќе ги посети Мавританија, Нигерија и Република Јужна Африка. Тоа е трета посета на Вадефул на Африка оваа година. Тој е придружуван од бизнис делегација. Посетата е дел од напорите на Германија и Европа за зајакнување на политичките и економските врски со африканските земји. Пред патувањето, портпаролката на германското Министерство за надворешни работи изјави дека Европа и Африка не се само географски блиски, туку имаат и политички, економски и безбедносни врски. Вадефул во јануари ги посети Кенија и Етиопија, а во април Мароко.