Тунелската мрежа на Хезболах во фокусот на разговорите меѓу Израел и Либан

Претставници на Израел и Либан денеска во Рим треба да одржат нова рунда директни разговори, во услови на продолжени судири меѓу Израел и проиранското движење Хезболах. Двете земји кон крајот на јуни се согласија на рамковен договор постигнат со посредство на САД, што се очекува да го трасира патот кон конечен мировен договор. Сепак, се уште не се целосно прекинати судирите со Хезболах, кој не е вклучен во преговорите. Израелската армија викендот изврши еден од најинтензивните бранови напади врз Либан од стапувањето во сила на прекинот на огнот. Според либански безбедносни и владини извори, во Рим се очекува да биде разгледана и обемната мрежа од тунели на Хезболах, која претставува клучен дел од воената инфраструктура на движењето. Пензионираниот либански бригаден генерал, Калед Хамадех, за агенцијата ДПА изјавил дека по повлекувањето на Израел од јужен Либан во 2000 година Хезболах со поддршка на Иран значително ја проширил тунелската мрежа Израелските власти тврдат дека тунелите се спротивни на духот на резолуцијата на Советот за безбедност на Обединетите нации со која беше ставен крај на војната во 2006 година и со која се бара јужен Либан да биде ослободен од неовластени вооружени групи и оружје што не е под контрола на државата. Тие…