Три лица загинаа во украински напад врз Крим

Три лица загинаа, а две се ранети на Крим како последица на ноќниот напад на украинските вооружени сили, соопшти шефот на регионот Сергеј Аксјонов. „Непријателот почна уште еден ноќен напад врз Крим. За жал, има жртви. Три цивили загинаа, а двајца се повредени“, напиша Аксјонов на Телеграм. Изразувајќи сочувство до семејствата и пријателите на жртвите и брзо закрепнување на повредените тој нагласи дека властите ќе ја пружат потребната помош и оти „никој нема да остане без поддршка“.