Три лица загинаа во руски напади во украинскиот град Балаклија

Најмалку три лица загинаа во руски напади врз станбени куќи во источниот украински град Балаклија лица, соопштија властите на Телеграм. Спасувачките екипи во моментов ги гасат пожарите и ги расчистуваат урнатините. Балаклија се наоѓа во Изјумскиот Реон, Харковска област. Во Сумската област властите известуваат за најмалку двајца ранети при руски бомбардирања со наведувани бомби врз цивилна инфраструктура. Според нив, има оштетени станбени објекти. Во меѓувреме, Доњецката областна воена администрација соопшти дека 12.000 цивили остануваат во зоните на активни борбени дејствија во Доњецката Област. Тие додадоа дека на територијата под украинска контрола во областа остануваат околу 115.000 цивили, од кои околу 6.000 деца. Од февруари 2022 година од зоните под владина контрола се евакуирани вкупно над 1.400.000 луѓе, од кои околу 212.000 деца. Од 2 август 2022 година за Доњецката Област е во сила наредба за задолжителна евакуација.