Трент Александар – Арнолд се враќа во Ливерпул?

Трент Александер-Арнолд би можел да го напушти Реал Мадрид по само една сезона, откако, според англиските медиуми, е сè понезадоволен од минутажата во шпанскиот гигант. Според информациите од Островот, Ливерпул е меѓу клубовите што внимателно ја следат ситуацијата околу 28-годишниот фудбалер и би можел да ја разгледа можноста за негово враќање. Александер-Арнолд со години беше еден од најважните играчи на Црвените, а неговото заминување во Реал Мадрид означи крај на една значајна ера на „Енфилд“. Сепак, доколку продолжи незадоволството поради ограничената минутажа во Мадрид, повторното обединување со поранешниот клуб би можело да стане реална тема.