Трамп: САД жестоко го нападна Иран „во чест“ на тројцата загинати американски војници

Претседателот на САД, Доналд Трамп изјави дека последните американски напади извршени „во чест“ на тројцата загинати американски војници, „жестоко“ го погодија Иран. Централната команда на САД (ЦЕНТКОМ) потврди дека деветта ноќ по ред нападнати се ирански воени објекти и комуникациски мрежи, со цел дополнително да се ослаби способноста на Техеран да напаѓа бродови во Ормуска Теснина. Иранската новинска агенција Тасним јави дека во американските напади погодени се градовите Табриз, Чабахар, Конарак, Бандар Махшахр и Бандар Имам Хомеини. По американските напади, Иран возврати гаѓајќи цели во Сирија и врз американските авиони во Акаба во Јордан. Во меѓувреме, армијата на Кувајт соопшти дека пресретнала ирански дронови. За време на викендот загинаа три американски војници, едниот при ирански напад врз северен Ирак, а двајца во Јордан.