Трамп го поддржа Нетанјаху пред изборите во Израел

Американскиот претседател Доналд Трамп денеска изрази поддршка за израелскиот премиер Бенјамин Нетанјаху, во пресрет на претстојните парламентарни избори во Израел. Во објава на својата платформа за социјални медиуми Truth Social, Трамп го опиша Нетанјаху како „премиер – голем борец, а уште повеќе, голем партнер за мир во војната против Исламската Република Иран“. - Биби Нетанјаху беше силен, храбар и брилијантен соочен со огромен отпор – вклучително и отпор од внатрешноста во самиот Израел. Токму таков партнер бараат Соединетите Држави во Израел – земја за која направија толку многу. Нека оваа порака послужи како израз на мојата целосна и безусловна поддршка за Биби Нетанјаху во неговата претстојна трка за реизбор за премиер на Израел, вели Трамп. Нетанјаху му се заблагодари на американскиот претседател за поддршката. - Ви благодарам, господине претседателе Трамп, за Вашата огромна поддршка и за нашата заедничка работа. Заедно ќе ја доведеме мисијата до крај! - напиша Нетанјаху на социјалната платформа „Икс“ Парламентарните избори во Израел се закажани за 27 октомври. Ова е прво гласање на национално ниво во земјата по нападите на Хамас во 2023 година. Исходот од изборите би можел да одреди дали Нетанјаху ќе остане на власт во еден од најкритичните периоди во израелската историја, или…