Трагедија: Во судир на два автобуса загинаа 35 лица

Најмалку 35 лица загинаа, а 30 се повредени во судир на два патнички автобуса на патот меѓу Деир ез-Зор и Дамаск, соопшти сириското Министерство за здравство. Бројот на жртвите го потврди претставник на Министерството за здравство, а информацијата ја објави државната новинска агенција САНА. Според сириското Министерство за внатрешни работи, во несреќата учествувале автобус со припадници на силите за внатрешна безбедност и цивилен патнички автобус. Надлежните служби спроведуваат истрага за причините што довеле до тешката сообраќајна несреќа.