Тоталитарната “либерална“ идеологија и аномијата во македонското општество

Бидејќи, очигледно, многумина се, најблаго речено, збунети со она што се случува во македонското општество, па дури, заради лошата економска состојба на мнозинството од граѓаните, нивната правна несигурност и очајот од владеењето на корупцијата, криминалот, непотизмот и партизацијата во минативе 35 години независна македонска држава, или би ја напуштиле државава, или би се вратиле во едно носталгично минато од пред осамостојувањето, мора да се објасни зошто е тоа така. Зашто, повеќе од опасно е, воочи 35-годишнината од воспоставувањето на независна Република Македонија, повеќедецениското надворешно влијание на една агресивна крајно лева, тоталитарна политичка идеологија – либерализмот, да го турка општествово кон една друга, еднаш веќе одживеана крајно лева, тоталитарна идеологија - комунизмот и, да врши притисок за сомнеж во потребата од егзистирање токму на независната и самостојна македонска држава. Затоа, да одиме по ред. ЛИБЕРАЛИЗМОТ НАСПРОТИ САМОСТОЈНОСТА Многу често повторувам дека Република Македонија ја имаше таа несреќа, периодот на нејзиното осамостојување да се совпадне со периодот на насилно менување на светскиот поредок, на заминување на биполарниот и воспоставување на униполарниот либерален светски поредок. Токму во тој период, либерализмот, преку своите Воук, ЛГБТ и останатите антицивилизациски идеологии, уништувајќи ја однатре најмоќната светска сила САД, завладеа со неа и, токму нејзиниот апарат почна…