Тешко повреден возач во сообраќајка на патот Струмица-Валандово

На 18.10.2026 околу 18:00 часот во СВР Струмица е пријавено дека на регионалниот пат Струмица-Валандово, на делницата од с.Костурино до место викано „Чадорче“ се случила сообраќајна несреќа помеѓу патничко возило „фиат пунто“ со струмички регистарски ознаки, управувано од Т.Џ.(60) од с.Костурино, струмичко и патничко возило „фолксваген“ со гевгелиски регистарски ознаки, управувано од В.К.(30) од Гевгелија, информира МВР. Во несреќата со тешки телесни повреди се здобил возачот на патничкото возило „фиат пунто“, констатирани во Медицински центар Струмица. Извршен е увид од увидна екипа на СВР Струмица.