Тајна дипломатија за поправање на катастрофалните национални политики на СДСМ и ДУИ

Шефот на дипломатијата Тимчо Муцунски го потврди тоа што во кулоарите се зборува подолго време – тајна дипломатија за изнаоѓање на трајно и одржливо решение што ќе го одблокира македонскиот евроинтегривен пат и што е најважно ќе има предвидлив крај без влијание на сулудничавите идентитески и историски барања на Бугарија во рамките на отворањето и затворањето на поглавјата. Точно, секоја земја членка ќе може да постави вето во тој процес, но само за суштински копенхагеншки критериуми, кои врска немаат со барањата на Софија. Секако, во тие разовори „под радарот“ сигурно е вклучена и Софија, посебно што таа различно ја чита преговарачката рамка и влијанието на вториот протокол, кој ги носи сите компликации. Софија ќе мора да најде начин и да ги заобиколи декларациите во бугарскиот парламент, на кои постојано се вади и тврди дека и ги врзуваат рацете за промени во односот кон преговарачката рамка за Македонија. Дали тука ќе попушти и за пресудите од Стразбур ќе покаже времето. Но, едно е сигурно во тајната дипломатија се вклучени најголемите и навлијателните членки на Унијата, кои по тешки дипломатски напори на македонската страна, конечно увидоа дека тоа што го потпишаа владите на Заев и Ковачевски, како и екс шефот на дипломатијата…