Светското првенство 2026 ги урна сите рекорди: ФИФА заработи 15 милијарди долари

Светското првенство 2026 донесе рекордни приходи за ФИФА, која инкасираше околу 15 милијарди американски долари, значително повеќе од првично планираните 11 милијарди. Информацијата ја соопшти претседателот на ФИФА, Џани Инфантино, на средба со националните фудбалски федерации, истакнувајќи дека приходите ги надминале очекувањата за речиси 36 проценти. Билетите и ВИП-пакетите донесоа најголема заработка Според информации блиски до организацијата, најголемиот дел од рекордните приходи доаѓа од продажбата на билети и ВИП-пакетите за гостопримство. Особено профитабилен бил секундарниот пазар за препродажба на билети, каде што цените достигнувале рекордни износи. ФИФА од секоја трансакција наплатувала по 15 проценти провизија од купувачот и уште 15 проценти од продавачот, што значително ги зголемило вкупните приходи за време на турнирот. Дел од средствата би можеле да ги добијат и федерациите Економскиот успех нема да остане само во касата на ФИФА. Иако сè уште не е донесена конечна одлука, се очекува дел од дополнителните приходи да бидат распределени и меѓу националните фудбалски федерации. Начинот и висината на распределбата сè уште се предмет на анализа. Инфантино доби дополнителен ветер во грб Рекордната заработка претставува и силен политички адут за Џани Инфантино. Претседателот на ФИФА смета дека финансискиот успех дополнително ја зацврстува неговата позиција пред изборите за нов мандат, кои…