Светислав Пешиќ доаѓа во Скопје

Кошаркарскиот тренер Светислав Пешиќ, доаѓа во Скопје на покана на Кошаркарската федерација на Македонија во рамките на годинашната задолжителна тренерска клиника која ќе се одржи на 24 и 25 август во Скопје. Пешиќ ќе биде главен предавач, како тренер чија кариера повеќе од четири децении претставува синоним за врвни резултати, лидерство и кошаркарско знаење. Член на Куќата на славните на ФИБА, европски и светски шампион со репрезентации, освојувач на титулата во Евролигата и еден од најпочитуваните тренерски авторитети во светската кошарка, Пешиќ своето богато искуство ќе го пренесе на македонските тренери преку дводневна стручна едукација. Клиниката е наменета за сите македонски кошаркарски тренери, а присуството е задолжително, бидејќи претставува еден од основните услови за добивање тренерска лиценца за натпреварувачката сезона 2026/27.