СТУДЕНТСКА РЕВОЛУЦИЈА ВО АЛБАНИЈА: Протестите се проширија и во внатрешноста на земјата! (ВИДЕО)

Студентскиот протест во албанскиот главен град Тирана прерасна во жестоки судири со полицијата, откако демонстрантите искорнаа метални огради, вадеа плочки од тротоарите и кршеа прозорци на зградата на Министерството за образование. Полицијата употреби воден топ, солзавец и бибер-спреј за да ја растера толпата, а по интервенцијата приведе поголем број учесници. Во инцидентите биле повредени повеќе лица. Според албанското Министерство за здравство и социјална заштита, вкупно 13 лица побарале медицинска помош во Универзитетскиот болнички центар „Мајка Тереза“ и во Универзитетската болница за трауматологија. Меѓу нив имало демонстранти, новинари, полицајци и случајни минувачи. Протестот почнал во попладневните часови, околу 14 часот, на булеварот „Маченици на нацијата“, а потоа се преселил пред седиштето на Министерството за образование. Собирот првично поминувал без поголеми инциденти, но ситуацијата се вжештила кога дел од демонстрантите почнале да ги корнат металните огради поставени покрај тротоарот пред институцијата. Според снимките објавени од албанските медиуми, дел од демонстрантите со покриени лица почнале да фрлаат предмети кон зградата на Министерството. Најпрво летале јајца и шишиња, а потоа учесниците на протестот почнале да вадат тротоарски плочки и камења, кои ги користеле за да ја гаѓаат институцијата. Една од портите на оградата била урната, а неколку демонстранти успеале да влезат во дворот на…