Стојкова Серафимовска: за културата годинава се издвоени 1,071 милијарда денари, а буџетот за туризмот е зголемен за повеќе од 200 проценти.

Културата и туризмот повторно се меѓу приоритетите на Владата, а тоа се потврдува преку рекордните буџетски издвојувања и зголемените инвестиции во овие области, истакна денеска на прес-конференција пратеничката на ВМРО-ДПМНЕ, Велика Стојкова Серафимовска. Таа посочи дека средствата за Годишната програма во културата се зголемени од 768 милиони денари во 2023 година на 1 милијарда и 71 милион денари во 2026 година, што претставува раст од речиси 40 проценти. Според Стојкова Серафимовска, поддршката за програмите на националните установи е зголемена за 25 проценти, додека сопствените приходи на овие институции бележат раст од 150 проценти во однос на 2023 година. Таа информираше дека по седум години повторно е реализиран конкурсот за креативни индустрии, преку кој во последните две години се поддржани 108 проекти, а во тек е и подготовка на првата Национална стратегија за развој на креативните индустрии. Во областа на уметноста, Стојкова Серафимовска истакна дека по речиси една деценија повторно е реализиран откуп на ликовни дела, при што се набавени 37 дела од македонски автори во вредност од 6,6 милиони денари. Дополнително, буџетот на Агенцијата за филм е зголемен од 100 милиони денари во 2024 година на 187 милиони денари во 2026 година, а со законски измени се предвидуваат и нови…