Стефанов организираше прием за кадетите по успешниот настап на ЕХФ Еуро 2026

По успешниот настап на Европското ракометно првенство 2026 и освоеното 9. место, денес македонската кадетска репрезентација беше пречекана во просториите на Ракометната федерација на Македонија. Претседателот на РФМ, Александар Стефанов, им честиташе на ракометарите и стручниот штаб за постигнатиот резултат, борбеноста и залагањето во текот на целиот шампионат, посакувајќи им многу успех во понатамошниот развој и во следните репрезентативни предизвици. Оваа генерација со пласманот на 9. место на Европското првенство обезбеди и пласман на Светското првенство за кадети во 2027 година. (МИА)