Со концерт на „Љубојна“ вечерва во Пустец почнува „Македонско културно лето 2026“

Со концертот на Љубојна и ансамблот „Тиквеш" вечерва во 19 часот, на плоштадот „Гоце Делчев" во Пустец, Албанија ќе биде отворено 21. издание на фестивалот „Македонско културно лето 2026". На програмата ќе се најдат и претстава за деца / мјузикл „Штурците и Мравките", ревија на охридска народна носија „Од Љубаништа до Дебој“, промоција на книга „Охридски фолклористи", краткометражниот филм „Приказна за една охридска свадба“, претставата за деца / мјузикл Шеќерна приказна, и ликовна изложба Преспански поетски ден. Фестивалот е поддржан од македонското Министерство за култура и туризам и други донатори, а организатор е Едмонд Сотир, Здруженито на Македонците по потекло од Албанија „СОНЦЕ"- Скопје и Општина Пустец.