Силно невреме во Грција: Поплавени објекти, возила во море, забрана за испловување фериботи (ВИДЕО)

Силно невреме денеска зафати голем дел од Грција, при што се поплавени улици, продавници и домови, прекината е струјата на повеќе острови и е забрането испловување на фериботите, објавија грчките медиуми. Цивилната заштита го прогласи највисокото ниво на тревога за островската група Споради, туристичкиот остров Крит и областа Атика, во која се наоѓа главниот град Атина. Граѓаните се повикани да не излегуваат надвор освен во случај на итна потреба, а многу училишта останаа затворени од претпазливост. Δραματικές εικόνες στο νησί της Ρόδου παρασύρονται αυτοκίνητα στην θάλασσα. Βίντεο : Axantek https://t.co/YzL3t1cTO5 — Forecast Weather Greece (@ForecastGreece) October 14, 2026 Прекини во снабдувањето со електрична енергија беа пријавени на островите Скијатос и Скопелос, додека на островот Евија има соборени бројни дрвја. На Родос, припадници на противпожарната служба морале да спасуваат жена од нејзиниот автомобил, кој бил опколен со надојдена вода. До понатамошно известување е забрането испловување на фериботите од главните пристаништа на копното, Лаврио и Пиреј (како и пристаништата во Атина). Во Егејското Море дуваат силни ветрови со налети побрзи од 100 километри на час. 🥺 Δυστυχώς τα νέα δεν είναι καλά απ’ τη Ρόδο 1 άνθρωπος έχασε τη ζωή του ενώ παρασύρθηκε και βρέθηκε το αυτοκίνητό του μέσα στην θάλασσα. Βίντεο…