Сибиха побара да не се одложува поддршката за Украина

Шефот на украинската дипломатија Андриј Сибиха денеска, по рускиот напад врз Киев, ги повика сојузниците да не ги пролонгираат одлуките за поддршка на Украина. - Не ги одложувајте одлуките за воздушната одбрана за Украина! Тоа е нашето главно барање до нашите партнери по ноќта на ужасот во Киев. Одлуките за испорака на системи за воздушна одбрана и ракети, како и санкциите против Русија и енергетската поддршка за Украина, треба да се донесат сега, а не подоцна, објави Сибиха на социјалните мрежи. Тој посочи во синоќешниот руски напад врз Киев, при што загинаа 13 луѓе и е оштетена цивилна инфраструктура „претставува сериозно воено злосторство, што бара „цврст одговор“ од партнерите на Украина и од меѓународните организации.